Forsíða

Styrktarsjóður BSRB vill benda á að í skattmati 2012, orðsendingu Ríkisskattstjóra nr. 2/2012, kemur fram:

2.9 Íþróttaiðkun

Ekki skal telja til tekna starfsmanns greiðslu frá launagreiðanda , eða eftir atvikum stéttarfélagi, sem ætlað er að standa straum af kostnaði við íþróttaiðkunn að því marki sem slík greiðsla fer ekki yfir 40.000 kr. á ári. Skilyrði er að starfsmaður leggi fram fullgilda og óvefengjanlega reikninga fyrir greiðslu á viðkomandi kostnaði. Með kostnaði við íþróttaiðkun er átt við greiðslu á aðgangi að líkamsræktarstöðvum, sundlaugum og skíðasvæðum, greiðslu á æfingagjöldum í íþróttasali og félagsgjöldum í golfklúbba sem og hreyfingar sem stunduð er með reglubundnum hætti.

Vegna fjölda fyrirspurna skal tekið fram að hætt var að taka við umsóknum vegna ársins 2011 í lok síðustu viku. Allar umsóknir sem berast í dag eða síðar verða afgreiddar á rétti ársins 2012.

Einnig teljum við tilefni til að benda á að umsóknir mega vera allt að 12 mánaða gamlar þegar sótt er um, ekki eldri. En umsóknir eru afgreiddar á rétti þess árs sem sótt er um á, óháð útgáfu degi reiknings.

Til dæmis: Sótt er um líkamsræktarstyrk í febrúar 2012. Reikningur er dagsettur í september 2011. Styrkur er greiddur sem líkamsræktarstyrkur 2012 þó svo að viðkomandi aðili hafi ekki sótt um styrkinn árið 2011.

Með ósk um gleðilegt nýtt ár,
Starfsfólk Styrkarsjóðs BSRB

Stjórn og starfsmenn Styrktarsjóðs BSRB óska félagsmönnum öllum og fjölskyldum þeirra gleðilegra jóla og farsældar á nýju ári.